“उज्यालो उर्लाबारी, सुरक्षित उर्लाबारी” अभियान, चन्दनेमा सडक बत्ती विस्तार
उर्लाबारी । मोरङको उर्लाबारी नगरपालिकाले सञ्चालन गरेको “उज्यालो उर्लाबारी, सुरक्षित उर्लाबारी” अभियान अन्र्तगत मंगलबार उर्लाबारी-३ चन्दनेमा सडक बत्ती विस्तार गरीएको छ ।
थापा चौकदेखी चन्दने जोड्ने सडकको २८ स्थानमा सडक बत्ति जडान गरिएको हो । सडक बत्तिको उद्घाटन उर्लाबारी नगरपालिकाका मेयर खड्ग फागोले गरेका छन् ।
उद्घाटन कार्यक्रममा बोल्दै मेयर फागोले उर्लाबारीलाई उज्यालो र सुरक्षित बनाउने हेतुले राजमार्गका १ सय १४ स्थानमा, उर्लाबारी-मधुमल्लारोड, उर्लाबारी-इटहरा रोडसगै अन्य शाखा सडकहरुमा पनि सडक बत्ति विस्तार भएको बताए ।
विषेश गरी विहानी पख स्कुल कलेज जाने विध्यार्थीहरुलाई सडकमा सहजता महसुस होस साथै अन्धकारको फाइदा उठाएर विभिन्न दुव्र्यशनीमा लागेकाहरुलाई न्युनिकरण गर्न टेवा पुग्ने र राजमार्गमा हिट एण्ड रनको केसलाई पहिचान गर्न सडक बत्तिले सहयोग पुग्ने मेयर फागोको भनाई छ ।
सडक बत्ति उद्घाटन कार्यक्रममा वडाध्यक्ष गञ्जबहादुर कार्की ,सदस्य सोमप्रसाद तिम्सीना लगाएत स्थानियहरुको उपस्थिती रहेको थियो ।
कार्यक्रम बत्ति विस्तार समितीका संयोजक पुर्वजनप्रतिनिधि पारसमणि कुइकेलको सभापतित्वमा समपन्न् भएको थियो ।
