उर्लाबारी नगरपालिकाले बाँड्यो नगर प्रहरीलाई हेन्ड सेट
उर्लाबारी । मोरङको उर्लाबारी नगरपालिकाका मेयर खड्ग फागोले नगर प्रहरीलाई वाकीटाँकीज प्रदान गरेको छ । नगर प्रहरीको कामलाई छिटोछरितो प्रविधिमैत्रि बनाउने उदे्श्यका मंगलबार ५ थान वाकीटाँकीज प्रदान गरेको हो ।
नगर प्रहरीले दैनिक जसो गर्दै आएको कामलाई थप सहज बनाउन र नगरपालिकाले आपतकालिन सेवाका लागि संचालन गर्दै आएको दमकलको सेवालाई थप व्यवस्थित गर्न पनि वाकीटाँकीज वितरण गरिएको मेयर फागोले बताए ।
वाकीटाँकीजमा सिमकार्ड प्रयोग गरिने भएका कारण पालिकाको जुनसुकै स्थानमा बसेर पनि सुचनाको आदनप्रदान गर्न सकिने नगर प्रहरी इन्चार्ज याम कार्कीको भनाई छ ।
उर्लाबारी क्षेत्रको सडक अतिक्रमण हटाउने, भिडभाड हुने स्थान इलाका प्रशासन कार्यालय मंगलबारे, उर्लाबारी चौक क्षेत्रमा नगरप्रहरीले सेवालाई सहज बनाउन खट्दै आएको छ ।
