लेटाङ नगरपालिकाद्धारा सिलाई मेसिन वितरण

लेटाङ, २२ चैत ।  लेटाङ नगरपालिकाले सिलाई मेसिन वितरण गरेको छ । आज नगरपालिकाका प्रमुख शंकर राईले सिलाईबुनाई ब्यवसाय गर्न चाहाने तर मेसिनको अभावमा बसिरहेका स्थानयि दलित समुदायका मानिसहरुलाई सिलाई मेसिन वितरण गर्नुभएको हो ।

आत्मनिर्भर र स्वरोजगार बनाउनका लागि सिलाईको तालिम लिएर बसेका जनशक्तिलाई मेसिन दिएर ब्यवसायिक बनाउनका लागि मेसिन वितरण गरिएको नगरप्रमुख राईले बताउनुभयो । बेरोजगार भएर बस्नु भन्दा सिप सिकेर स्वरोजगार वनाउनका लागि नगरपालिकाले सहयोग गर्ने भएकाले त्यस्ता ब्यक्तिहरुले नगरपालिकामा समन्वय गर्न आह्वान गर्नुभयो । उहाँले अन्य ब्यवसाय गर्न चाहानेहरुलाई समेत नगरपालिकाले सहयोग गरिरहेको र यसलाई निरन्तरता दिने बताउनुभयो ।